11 декабря 2013, 10:25
Дзæуджыхъæуы байгом Уæрæсейы хъæбатыр Андрей Днепровскийы мемориалон фæйнæг
Фыдыбæстæйы хъæбатырты Боны кадæн Дзæуджыхъæуы байгом Уæрæсейы хъæбатыр Андрей Днепровскийы мемориалон фæйнæг. Ныффидар æй кодтой, Андрей кæм цард, уыцы хæдзары къулыл.
Фыдыбæстæйы хъæбатырты Боны кадæн Дзæуджыхъæуы байгом Уæрæсейы хъæбатыр Андрей Днепровскийы мемориалон фæйнæг. Ныффидар æй кодтой, Андрей кæм цард, уыцы хæдзары къулыл, – Шмулевичы уынджы 16-æм хæдзарыл. Кадджын мадзалы архайдтой æфсæддонтæ, Фыдыбæстæйы Стыр хæсты æмæ бынæттон быцæуты ветерантæ, скъоладзаутæ æмæ фæсивæд. Андрей Днепровский райгуырд Дзæуджыхъæуы, куыста æдасдзинадхъахъхъæнæг службæйы, уыд Сабырфурды флоты сæрмагонд сгарджыты пункты старшина. 1995-æм азы Цæцæны архайдта контртеррористон операциты. Грознайы мæлæтæй фервæзын кодта дыууæ æфсæддоны. Андрей Днепрвский 24-аздзыдæй фæмард фыдгæнджытимæ хæсты. Ныгæд æрцыд Дзæуджыхъæуы Намысы Аллеяйы.
темæмæ гæсгæ
