Дзæуджыхъæуы хатдзæгтæ скодтой æрыгон иртасджыты республикон зонадон конкурсæн «Ирыстоны фидæнмæ къахдзæф».
Конкурс арæзт æрцыд ныр 14-æм хатт ахуырад æмæ наукæйы министарды
Дзæуджыхъæуы хатдзæгтæ скодтой æрыгон иртасджыты республикон зонадон конкурсæн «Ирыстоны фидæнмæ къахдзæф».
Конкурс арæзт æрцыд ныр 14-æм хатт
ахуырад æмæ наукæйы министарды, Цæгат Кавказы хæххон металлургон
институты, стæй техникон сфæлдыстады сывæллæтты республикон центры
хъæппæрисæй. Архайдтой дзы 100 скъоладзауæй фылдæр. Уыдон равдыстой
наукон куыстытæ 10 секцийы. Скъоладзауты иртасæн куыстытæй равзæрстой
хуыздæртæ. Ахуырад æмæ наукæйы министрады майдантæ æмæ дипломтæ райстой
60 скъоладзауæй фылдæр. Уыдонæй уæлдай ма грамотæтæ райстой, сæ куыстыты
цымыдисаг хъуыдытæ кæмæн уыд, уыдон дæр. Æппæт хæслæвæрдты дæр иттæг
хорз бæрæггæнæнтæ равдыста Дзæуджыхъæуы 27-æм скъолайы 11-æм къласы
ахуырдзау Александр Химуля.
Черчесты Азæ, Цæгат-Кавказы хæххон
металлургон институты эстетикон хъомылады центры директор: «Ацы бон
махмæ æрбамбырд сты æрмæст горæты скъолатæ нæ, фæлæ ма районты скъолатæй
дæр наукæйы бæрзæндтæм чи бæллы, уыдон. Æмæ сын мæ зæрдæ зæгъы бирæ
хорздзинæдтæ. 14-æм хатт ис уыцы хорз хъуыддаг. Йе нтыстдзинæдтæ тынг
бæрзонд кæнынц. Æрмæст нæхимæ нæ, фæлæ ма Уæрæсемæ дæр æрвыст кæй
æрцæуынц, сывæллæтты наукон куыстытæ, уый. Æмæ куыд мæнæн, афтæ се
ппæтæн дæр, ацы хъуыддагыл чи архайы у тынг æхсызгон».
Алæгаты Хъазыбег, кункурсы «Ирыстоны
фидæнмæ къахдзæф»-йы уæлахиздзау: «Æз æрбацыдтæн Фарныхъæуы скъолайæ.
Архайдтон физикæйы секцийы. Скъолайы иумæ ахуыргæнæгимæ архайдтон, алы
бон дæр æм иу цыдтæн урокты фæстæ, иу сахаты бæрц иу бакуыстам. Абон
райстон фыццаг бынат æмæ мын у тынг æхсызгон».
Кокойты Владислав, кункурсы «Ирыстоны
фидæнмæ къахдзæф»-йы призер: «Ацы конкурсы фыццаг хатт архайдтон, æмæ
уыдтæн математикæйы секцийы. Мæ куыст уыдис «Сравнение чисел по модулю».
Мæ ахуыргæнæгимæ йыл бакуыстам иумæ. Тынг æхсызгон мын уыдис, мæ
куыстæн мын 3-аг бынаты кæй саккаг кодтой, уый».
