Æлхæнынц кусæнгæрзтæ – уазалгæнæнтæ, пецтæ. Фæлæ сæ куыст ууыл нæ фæуыдзæн. Сæ зæрды и скъолаты хæрæндæтты системæ аивын. Тæвд хæринаджы пункттæй ифтонггонд сты Дзæуджыхъæуы æппæт скъолатæ.
Дзæуджыхъæуы хойраджы комбинат цалцæг кæны скъолаты зæронд хæрæндæттæ. Æлхæнынц кусæнгæрзтæ – уазалгæнæнтæ, пецтæ. Фæлæ сæ куыст ууыл нæ фæуыдзæн. Сæ зæрды и скъолаты хæрæндæтты системæ аивын.
50-æм скъола арæзт æрцыди 37-æм азы. Хæрæндон дзы нæ уыди. Уымæ гæсгæ, æрæджыйы онг сывæллæттæ сæ фæллæдуадзæн рæстæг æлхæдтой цæттæ продукттæ. Фæлæ ныр уавæр аивта.
Тæвд хæринаджы пункттæй ифтонггонд сты Дзæуджыхъæуы æппæт скъолатæ дæр. 14 ахуыргæнæндоны та хæринаг кæнынц сæхæдæг. Иннæтæм хойраг баласынц цæттæйæ. 46-æм скъолайы хæрæндон дæр кусын райдыдта ног хуызы. Уымæй уæлдай ма дзы байгом кодтой уæлæмхасæн буфет дæр. Ныр хойраг фаг кæны алкæмæн дæр.
Дзæуджыхъæуы 27-æм скъолайы та байгом кодтой «WI-FI кафе». Ис дзы интернет æмæ спутничы уылты чи кусы ахæм телеуынынад. Стæй кæй зæгъын æй хъæуы, хæрзад хæринаг. Кæд «WI-FI кафе» дарддæр дæр афтæ ахадгæ уа, уæд сæ байгом кæндзысты иннæ скъолаты дæр.
Касаты Наирæ
