Экспонаттæ Цхинвалмæ аласынмæ ссыд сæрмагонд делегаци. Йæ сæргъы Хуссар Ирыстоны фæсарæйнаг хъуыддæгты министры хæстæ æххæстгæнæг Санахъоты Давид.
НАТО-йы музей æвдыст æрцыд цæгатирыстойнаг æхсæнадон змæлд «Нæ Ирыстон»-ы хъæппæрисæй. Фенæн дзы ис, НАТО-йы салдæттæ Иракы, Кувейты, Ливийы, Сирийы сæхи куыд дардтой, уыцы къамтæ. Сæ фыдмиты æвдисæнтæсты сты интернеты. Фæлæ сæм ныр бакæсын ис Цæгат Ирыстойны дæр.
Хуызистыты НАТО-йы салдæтты лæгсырд митæ, æнæаххосæй кæй амардтой, уыцы сывæллæттæ, сылгоймæгтæ, ацæргæ адæм… Рæстдзинадыл дзургæйæ, адæмы чи цæгъды, уыцы æфсæддонты «хъæбатырдзинад».
Равдысты тыххæй базонгæйæ, Хуссар Ирыстоны парти «Ног Ирыстон»-ы уæнгтæ курдиат æрбарвыстой Цæгат Ирыстонмæ. Фæнды сæ равдыст равдисын Хуссар Ирыстоны дæр. Стендтæ æмæ экспонатæ сæмбырд кæныны хъуыддаджы сын стыр æххуыс бакодтой РЦИ-Аланийы фæсивæдон парламент, РЦИ-Аланийы нациты ахастдзинæдты фарстаты министрад.
Равдыст къуыри æвдыст цæудзæн Цхинвалы, уый фæстæ та йæ аласдзысты Абхазимæ.
