Дзæуджыхъæуы кадетты корпус ногæй ис УФ-йы хъахъхъæнынады министрады бæрны

20 мая 2014, 11:38

Уый тыххæй указ бафыста Сергей Шойгу. Æмæ нырæй фæстæмæ хæсдзæн Цæгат Кавказы Суворовон æфсæддон училищæйы ном. Дзуапп ын дæтты Хуссар æфсæддон зылды командыгæнæг.

Ацы бонты цæуынц ахуыргæнæндон республикæйы бæрнæй федералонмæ раивынæн æмбæлгæ гæххæттытæ цæттæгæнæн куыстытæ.

Аивта ахуырады рæстæг дæр. 5 азы бæсты училищæйы хъомылгæнинæгтæ ахуыр кæндзысты 7 азы.1-æм сентябрæй фæстæмæ йæм исдзысты 6-æм æмæ 7-æм кълæсты ахуырдзауты дæр.