филиал вгтрк государственная телерадиовещательная компания “Алания”

Сфæлдыстадон конкурс бацæттæ кодта РусГидройы цæгатирыстойнаг филиал. Экспозици баст у Джызæлдоны ГЭСы 80 азы юбилеимæ. Ацы аз энергэтикон компани конурсы программæ фæуæрхдæр кодта, æмæ ма йæм бафтыдта æмдзæвгæтæ аив кæсыны ерыс. Йæ архайджытæ сты Дзæуджыхъæуы скъолаты райдиан кълæсты ахуыргæнинæгтæ, интернатты, лицейты æмæ сидзæр сывæллæтты хæдзæртты хъомылгæнинæгтæ. Æдæппæтæй 117 адæймаджы. Сæдæ авд куысты хаст æрцыдысты номинаци «Сывæллæтты ныв» – мæ. Дæс сывæллоны та архайынц æмдзæвгæты номинацийы. Равдыстмæ жюри равзæрста фæндзай æхсæз нывы. Экспертты хсæн сты – нывгæнджыты æмæ фысджыты цæдисты уæнгтæ, «РусГидро»-йы кусджытæ. Алы номинацимæ гæсгæ æвзæрст æрцыд фæйнæ æртæ куысты. Уыдонæй хуыздæр æмдзæвгæ бакæсыны тыххæй фыццаг бынат бацахста дыууын фарæстæм скъолайы ахуырдзау Владимир Савин. Балæвар ын кодтой планшетон компьютер. Хуыздæр нывы автор та сси аивадон скъола-студи «Синяя птица»-йы хъомылгæнинаг Артем Беглецов. Дыккаг æмæ æртыккаг бынæтты хицæуттæн та радтой къамисæнтæ. Конкурсы иннæ архайджытæ райстой дипломтæ æмæ зæрдылдарæн лæвæрттæ. Конкурсы сæйраг нысан у – скъоладзаутæм æрдзмæ уарзондзинад гуырын кæнын.