13 октября 2014, 11:10
Дзæуджыхъæуы кинойы хæдзары уыд Джусойты Мураты ист киноныв «Æрзæткъахæн»-ы премьерон равдыст
Ист у ирон æвзагыл. Джусойты Мурат дзы æвдисы 1830-æм азты цард. Ирыстонæн у хъысмæтхæссæг рæстæг, уæд баиу Уæрæсейы империимæ. Бынæттон цæрджытæ ацы цæумæ кæсынц алыхуызон æмæ ныдихтæ сты.
Дзæуджыхъæуы кинойы хæдзары уыд Джусойты Мураты ист киноныв «Æрзæткъахæн»-ы премьерон равдыст. Ист у ирон æвзагыл. Джусойты Мурат дзы æвдисы 1830-æм азты цард. Ирыстонæн у хъысмæтхæссæг рæстæг, уæд баиу Уæрæсейы империимæ. Бынæттон цæрджытæ ацы цæумæ кæсынц алыхуызон æмæ ныдихтæ сты. Ацы кинонывыл бакуыста стыр фæлтæрдджын интернационалон къорд. Оператор Александр Вотиновы æрбахуыдтой Одессæйы киностудийæ. Сæйраг рольты та хъазыдысты Бытъæты Роберт æмæ Кæсæг-Балхъары театры артист Валерий Балкизов. Сылгоймаджы иунæг сурæт та сарæзта Ольга Панкова. Продюсер у Битарты Константин. Киноныв ист цыд Ирыстоны рæсугъд кæмтты Фыййагдоны, Дæргъæвсы æмæ Цъæйы.
Джусойты Мурат, режиссер: «Мæн фæнды цæмæй ацы киномæ адæймаг куы бакæса, уæд кæд рынчын у, уæд сынæниз уа. Уый уыд кинойы сæраг нысан. Фендзыстæм куыд рауад куыд бафтыд нæ къухы нæ фæнд. Кино иронау у».
темæмæ гæсгæ
