13 февраля 2013, 11:19
Дзæуджыхъæуы муниципалон исбон Уæрæсейы федералон исбон куыд суа, ахæм уынаффæ рахастой горæты минæвæртты иугонды æмбырды
Бæлвырддæр зæгъгæйæ та йæм хъуамæ хауой муниципалон автотранспорт æмæ Дзæуджыхъæуы æдзæрæг бæстыхæйттæ.
Бæлвырддæр зæгъгæйæ та йæм хъуамæ хауой муниципалон автотранспорт æмæ Дзæуджыхъæуы æдзæрæг бæстыхæйттæ. 40-æм сессийы боны фæткмæ цы фарстатæ рахастой, уыдонæй сæйрагдæр уыд администрацийы сæхи нымайæн-цæстдарæн оргæн саразын. Паддзахадон нысаниуæг кæмæн уыд, уыцы фæндæгтæ хъуамæ суой муниципалон. Æмбырды гом акционерон æхсæнад «Профиль»-ы генералон директор, парти «Иугонд Уæрæсе»-йы уæнг Хабæты Жаннæ æвзæрст æрцыд Дзæуджыхъæуы муниципалон сконды сæргълæууæджы хæдивæгæй.
Зæнджиаты Чермен, Дзæуджыхъæуы муниципалон минæвæртты сконды сæргълæууæджы фыццаг хæдивæг: «Федерацимæ нæ зæрды раттын ис кæцыдæр автотранспорт. Зæгъæм, пъæлийæйы машинæтæн, зынгхуыссынгæнæн машинæтæн сæ цалцæгæн æмæ сæ дарынæн хъæуынц фæрæзтæ. Æмæ нæм ис фæндон цæмæйæ æппæт ахæм категоритæн дзуапп дæттой федералон оргæнтæ. Уымæй уæлдай ма Дзæуджыхъæуы бирæ сты æдзæрæг бынæттæ. Цæмæйæ сыл бакусæм, уымæн дæр хъæуы паддзахадон оргæнты цæстдард æмæ сæ нæ зæрды ис. Æппæт ацы фарстатыл ныхас кæндзыстæм парламенты радон æмбырды æмæ фендзыстæм, кæронбæттæн уынаффæ цавæр уыдзæн, уымæ».
темæмæ гæсгæ
