филиал вгтрк государственная телерадиовещательная компания “Алания”

«Реком»-ы кувæндонмæ бацæуыны цымыдисаг дуар, Тырсыгомы рагон цыртдзæвæны дур, дины кусæджы уæлæдарæс. Дзæуджыхъæуы национ музейы байгом равдыст «Чырыстон диныл хæст Ирыстон».

Æрæмбырд дзы кодтой, Ирыстон рагæй чырыстон диныл хæст республикæ кæй у, ууыл дзурæг æрмæджытæ. Равдыст байгом кодта Дзæуджыхъæуы æмæ Алайнаг архиепископ Зосимæ.

Уазджытæн арфæ ракодтой республикæйы культурæйы министрады, æхсæнадон организациты минæвæрттæ, историктæ. Равдыст арæзт æрцыд Аланийыл Чырыстон дины дзуæрттæ фтыд куы æрцыд, уый 1мин 100 азы кадæн. Йæ саразын къухы бафтыд, музей дунеон конкурс «Провославная инициативæ»-йы грант кæй рамбылдта, уый фæрцы. Баххуыс сын кодтой дины бынæттон куысджытæ дæр.

Æлборты Тамарæ, Национ музейы директоры хæдивæг: «Æрмæджытæ ист сты национ музейы æвæрæнтæй, уыимæ ма нын баххуыс кодта нæ епархи, баххуыс ма нын кодтой сылгоймæгты алайнаг моладзандон. Уымæй уæлдай ма нын æрмæг радтой Цомайты Харлампийы цот. У Гæдиаты Секъайы байзæттаг æмæ уыдон абон рахастам адæмы размæ, цæмæй сæ базонгæ кæнæм Ирыстон чырыстон дин 18-æм æнусы кæй нæ райста, фæлæ раздæр. Æмæ ирон адæм рагæй кæй сты чырыстон диныл хæст».