филиал вгтрк государственная телерадиовещательная компания “Алания”

Ацы аз баиу ис славяйнаг фыссынады æмæ культурæйы бонимæ. Иу сценæйы зарыдысты мин сывæллонæй фылдæр. Уыдон сты Дзæуджыхъæуы æмæ республикæйы районты скъолаты ахуырдзаутæ. Цæгат Ирыстоны зарæггæнджытæн комкоммæ бастдзинады фæрцы уыд, Мæскуыйы Сырх фæзы цы бæрæгбоны концерт арæзт æрцыд, уым архайыны фадат. Сæ музыкалон арæхстдзинад сын фехъуыстой æппæт бæстæйы дæр. Сывæллæттæ акодтой 2 зарæджы – Александра Пахмутовайы композици «Надежда» æмæ Михаил Глинкайы – «Славься». Специалистты хъуыдымæ гæсгæ, республикæйы ахæм музыкалон форум арæзт кæй æрцыд, уый ныфс дæтты, хоры аивадæн стыр фидæн кæй ис, уымæн.
Хадыхъаты Илонæ, фестивалы архайæг: «Мах стæм Беслæнæй. Нæ хоры ис 32 адæймаджы. Зардзыстæм 2 зарæджы. Цæттæ кодтам 2 мæйы, цæмæй дзæбæх азарæм».

Хъодалаты Дианæ, фестивалы архайæг: «Ацы фестивалы мах стæм фыццаг хатт. Нæ зæрдæмæ фæцыд, уымæн æмæ бирæ рæсугъд зарджытæ кодтой, бирæ сывæллæттимæ базонгæ стæм. Алцыдæр дзы рæсугъд æмæ хъæлдзæг скодтой».