03 мая 2018, 12:55
Дзæуджыхъæуы Олимпаг парчы райдыдтой сæрмагонд куыстытæ
Уыдоны фæрцы тох кæнынц кæлмытимæ.
Дзæуджыхъæуы Олимпаг парчы
райдыдтой сæрмагонд куыстытæ. Уыдоны фæрцы тох кæнынц кæлмытимæ. Уымæ гæсгæ
парк рæстæгмæ сæхгæдтой, æмæ адæмы ракодтой йæ территорийæ. Кусджытæ сæрмагонд
хъацæнтæй бапырх кодтой кæрдæг, къутæртæ æмæ бæлæстæ. Ахæм мадзæлтты фæстæ
адæмы æдасдзинадæн тæссаг нал уыдзæн. Уыйразмæ-иу социалон хызты фæзынд
хъусынгæнинæгтæ. Уым бынæттон цæрджытæ хъаст кодтой, сæхи цæстытæй кæй федтой,
кæлмытæ-иу фæндагыл куыд бырыдысты, уый. Фæлæ специалисттæ зæрдæ бавæрдтой,
тæссаг уавæр кæй нæу, уымæй. Уыимæ сидынц адæммæ, цæмæй ма тæрсой. Кæй федтой,
уый уыдаид бурхъус калм, æмæ маргджын нæу. Олимпаг парчы æдасдзинады мадзæлттæ
куы бакодтой, уæд æй байгом кодтой дыккаг бон 10 сахатыл.
темæмæ гæсгæ
