02 декабря 2013, 11:13
Дзæуджыхъæуы политехникон техникумы арæзт æрцыд акци«Ирыстоны фæсивæд æнæниз цардыуагы тыххæй»
«Ирыстоны фæсивæд æнæниз цардыуагы тыххæй». Ахæм акци арæзт æрцыд Дзæуджыхъæуы политехникон техникумы. Бацæттæ йæ кодта Цæгат Ирыстоны æхсæнадон хæрзаудæн фонд «Спасательный круг».
«Ирыстоны фæсивæд æнæниз цардыуагы тыххæй». Ахæм акци арæзт æрцыд Дзæуджыхъæуы политехникон техникумы. Бацæттæ йæ кодта Цæгат Ирыстоны æхсæнадон хæрзаудæн фонд «Спасательный круг». Студенттæн равдыстой наркотиктæ адæймаджы æнæниздзинадæн цы зиан хæссынц, уый тыххæй видеоролик. Уый тыххæй сын дзырдтой политиктæ, æхсæнадон архайджытæ æмæ дины кусджытæ дæр. Акцийы нысан уыд фæсивæды `ргом ацы фарстатæм раздахын, уымæн æмæ фæстаг рæстæг наркотиктæ парахат кæнынц рæзгæ фæлтæры `хсæн. Абон республикон наркологон диспансеры хыгъды лæууы 2 мин 500 адæймаджы бæрц.
Дзгойты Алан, Цæгат Ирыстоны æхсæнадон хæрзаудæн фонд «Спасательный круг»-ы: «Мах æрæмбырд стæм, цæмæй нæ фæсивæды бахъахъхъæнæм. Уымæн æмæ фæсивæд ацы æвзæрдзинæдтæй мæлынц. Цæмæй амæй фæстæмæ нæ кæстæртæ æнæнизæй цæрой, уый тыххæй мах æрæмбырд стæм. Цæмæй сывæллæттæн равдисæм уыцы æрмæг, концерт, æмæ гыццыл бахъахъхъæной сæхи уыцы зындзинæдтæй».
темæмæ гæсгæ
