Ерыс кæндзысты цыппар къорды, æмæ афтæмæй æвзæрст æрцæудзысты Цæгат Кавказы федералон зылды чемпионаты архайджытæ.
Ерыс кæндзысты цыппар къорды, æмæ афтæмæй æвзæрст æрцæудзысты Цæгат Кавказы федералон зылды чемпионаты архайджытæ. Фыццаг уал ерыстæм ацæудзысты кæстæр кары спортсментæ. Турнир райдайдзæн 26-æм мартъийы Налцыччы. Сæ тренерты хъуыдымæ гæсгæ сæ тренировкæтæ кæнын хъæуы иу мæй æмæ `рдæг. Уымæ гæсгæ ма сын рæстæг ис. Фыццаг бынат бацахсыны ерысты та архайдзысты æрмæстдæр уæлахиздзаутæ. Уым тох кæндзысты, Æппæтуæрæсеон ерысты архайыны бар райсыныл. Æппæтæй кæстæр боксертæй иу у Борис Карибян. Афæдз æмæ `рдæгмæ йæ 15 ныхмæлæууæгæй фæуæлахиз цыппæрдæсыл. Æмæ ныр йæ зæрдæ дары Цæгат Ирыстоны иугонд командæмæ хаст кæй æрцæудзæн, ууыл.
Дзæгъойты Игорь, дунеон къласы спорты мастер боксæй: «Хуссар Ирыстонæй дæр нæм æрцыд боксертæ. Афтæмæй дыууæ республикæйы спортсменты фæлтæрддзинад кæны хуыздæр. Ацы чемпионаты дæр нæ зæрдæ бирæтыл дарæм. Се `ппæты нæма федтам, фæлæ дзы ис арæхстджынтæ».
