Дзæуджыхъæуы равдыстой Мæскуыйы кинофестиваль «Сталкер»-ы хуыздæр куыстытæ. Цæгат Ирыстоны цæрджытæ федтой 5 кинонывы. Ацы хъуыддаг саразыныл бакуыстой Уæрæсейы кинорежиссерты Гильди æмæ Кинематографистты цæдисы цæгатирыстойнаг хайад.
Дзæуджыхъæуы равдыстой Мæскуыйы
кинофестиваль «Сталкер»-ы хуыздæр куыстытæ. Цæгат Ирыстоны цæрджытæ
федтой 5 кинонывы. Ацы хъуыддаг саразыныл бакуыстой Уæрæсейы
кинорежиссерты Гильди æмæ Кинематографистты цæдисы цæгатирыстойнаг
хайад. Адæмæн ма фадат уыдис алы равдысты фæстæ дæр Уæрæсейы хуыздæр
кинематографисттимæ æмæ актертимæ аныхас кæнын.
5 боны Дзæуджыхъæуы кинойы хæдзары
æвдыст цыдысты хуыздæр уæрæсейаг режиссерты куыстытæ. Кинофестиваль
«СТАЛКЕР»-ы кинотæ адæм федтой фыццаг хатт. Се ппæт куыстыты темæтæ дæр
ист сты цардæй æмæ дзурынц адæмы бартыл. Хæрзаудæн равдыст саразыныл
Ирыстоны бакуыстой Уæрæсейы кинорежиссерты Гильди æмæ Кинематографистты
цæдисы цæгатирыстойнаг хайад.
«Магнитные бури», «Конвой», «Однажды со
мной», «Презумпция согласия». Фестивалы кæронбæттæны та æвдыст æрцыд
режиссер Андрей Разумовскийы куыст «На мосту». Кинонывы сæйраг хъайтар у
– сидзæр сывæллæтты хæдзары хъомылгæнинаг. 13-аздзыд уæвгæйæ алыгъд
уырдыгæй. Лæппуйы цардвæндаг куыд рауад, цавæр зындзинæдтæ бавзæрста æмæ
уæддæр кæй нæ фæцудыдта, ууыл у киноныв.
Андрей Разумовский, режиссер, Уæрæсейы
аивæдты сгуыхт кусæг: «Ацы кинойæ нæ фæндыдис адæмы ргом раздахын, зын
уавæрты чи хъомыл кæны, уыцы сабиты хъысмæтмæ. Мах рагагъоммæ бæрæг
кодтам, сидзæр сывæллæты хæдзæртты хъомылгæнинæгтæ куыд цæрынц, уый. Æмæ
зæгъын хъæуы, сæ уавæртæ бынтон хорз кæй не сты. Фæлæ дзы сæмбæлдыстæм
тынг цымыдисаг æмæ курдиатджын сывæллæтыл».
Се ппæт кинонывтæ дæр адæймаджы æфтауынц
хъуыды кæныныл. Уыимæ ма, ахæм фестивальты руаджы ис арф мидисджын
кинонывтæ парахат кæнæн.
Æгъуызарты Фатимæ: «Нæ горæты ахæм
фестиваль кæй цæуы, уый тынг хорз у. кинотæ чи федта, уый истæуыл
ахъуыды кæндзæн, йæхицæн исты хатдзæгтæ скæндзæн. Ацы хъуыддаг хорз у,
мах тынг зæрдиагæй æрбацыдыстæм».
Алы равдысты фæстæ дæр адæмæн фадат
уыдис фембæлынæн æмæ аныхас кæнынæн Уæрæсейы хуыздæр кинематографисттимæ
æмæ актертимæ. Ахæм фестиваль Дзæуджыхъæуы арæзт æрцыд дыккаг хатт. Ацы
куыст дарддæр дæр ахæццæ кæндзыстæм, зæгъынц Кинематографистты цæдисы
цæгатирыстойнаг хайады уæнгтæ.
