Æмбырд арæзт æрцыд республикæйы Мидхъуыддæгты æмæ æнæниздзинадхъахъхъæнынады министрадты хъæппæрисæй. Семинары куыд загътой, афтæмæй, фæстаг азты йæхи амарын фæнд чи скодта, уыдон дзæвгар фæфылдæр сты. Уæлдайдæр та сывæллæты æмæ æрыгæтты ‘хсæн.
Æмбырд арæзт æрцыд республикæйы Мидхъуыддæгты æмæ æнæниздзинадхъахъхъæнынады министрадты хъæппæрисæй. Семинары куыд загътой, афтæмæй, фæстаг азты йæхи амарын фæнд чи скодта, уыдон дзæвгар фæфылдæр сты. Уæлдайдæр та сывæллæты æмæ æрыгæтты ‘хсæн. Специалисттæ йæ бæттынц уыимæ, æмæ фæсивæд цæмæ тырной, уый сын нæй. Аивта сæ зондахаст дæр.
Психиатртæ сидынц инспектортæм, цæмæй, кæимæ кусынц, уыцы сывæллæттæм уой къæрцъхъусдæр. Пъæлицæйæгтæн байуæрстой методикон æрмæджытæ æмæ сын бæлвырд радзырдтой, æрыгæттимæ куыд кусын хъæуы, хи амарыны аххоссæгтæ цавæртæ вæййынц, ахæм кæстæртимæ куысты цы хицæндзинæдтæ ис, уый тыххæй.
Беслехъоты Иринæ, сывæллæтты психиатр: «Участковый инспектортæ иумæйагæй æрæмбырд сты, æрбацыдысты иннæ специалисттæ дæр æмæ мах уыдонимæ кусæм. Вæййы афтæ æмæ сывæллон цæуыл дæр фæхæрам, кæнæ фæтæргай æмæ сфæнд кæны йæхиуыл йæ къух сисын. Январæй абонмæ æрцыд 3 ахæм фыдбылызы. Æмæ цæмæй ахæм цаутæ мауал цæуой уый тыххæй кусæм».
