Рынчындон байгом дыууæ азы размæ. Кусынц дзы лазерæй, 3D кæй хонынц, ахæм сканертæй, офтальмологон томогрæфæй, æмæ бирæ æндæр нырыккон техникон æрмæгæй. Республикæйы
Фæлтæрдджын дохтыртæ æмæ хорз кусæнгæрзтæ ныр ис Цæгат Ирыстоны дæр.
40 минуты дохтырты оперативон фезмæлд, æмæ рынчын ферох кæны кæддæр йæ цæстытæй æвзæр уыдта, уый. Гæнæн ис, æмæ искæйы ма бауырна, фæлæ ног медицинон гæнæнтæ сæхиуыл ниридæгæн банкъардтой бирæтæ. Цæстыты низтæ дзæбæх кæныны лазерон аппарат «Лейсик»-æй пайда кæндзысты, уый ма æрæджы дæр дохтырты нæ уырныдта. Абон та уый фæрцы рынчынтæ сæ цæстæй суынынц 100 %. Иннæ бон куыстмæ рацæуынц æнæ кæсæнцæстытæй æмæ линзæтæй.
Кератотопограф у ног фæлтæры кусæнгарз. Цалдæр секундмæ сбæрæг кæны цæстыгагуы æмæ йæ 3 Д –йæ равдисы мониторыл. Цæстыгагуыйы иуæй-иу низтæ сæ райдианыл сбæрæг кæнæн вæййы æрмæмтдæр ацы аппараты руаджы.
Цæстыты низты клиникæ байгом дыууæ азы размæ. Ам алы бон дæр ног технологиты размæ кæнынц иу къахдзæф. Ис цæм республикæйы иунæг чи у, ахæм офтальмологон томограф, УЗИ – аппарат. Æмæ ма ацы номхыгъд ис дарддæр ахæццæ кæнæн.
Ног кусæнгæрзтæй пайдагæнгæйæ дохтыртæ æнæбæрæггондæй иу хъуыддагдæр нæ баззайы. Клиникæйы ногдзинæдтæй ма иу у – эстетикон офтальмологийы кабинет. Цæст хъуамæ æрмæст хорз ма уына, фæлæ ма йе ддаг бакаст дæр уа рæсугъд.
Мæрзойты Владимир у Цыколайæ. Ацы бонты йын йæ цæстытæн скодтой оперци. Пенсиисæг куыд зæгъы, афтæмæй йæ фæндыди æрмæстдæр ацы клиникæйы скæнын операци.
Мæрзойты Владимир: «Дзæбæхгæнæндон ис Мæскуыйы æмæ Европæйы хуыздæр клиникæты æмрæнхъ.
Рынчындоны разамонæг Дзгойты Иринæ куыд зæгъы, афтæмæй ам сæрыстыр сты æрмæст ног технологитæй нæ, фæлæ фæлтæрдджын дохтыртæй дæр.
Клиникæй фидæны ацы къабазы Цæгат Кавказы хуыздæр кæй суыдзæн уый дызæрдыггаг нæу. Раздæри у республикæйы цæрджытæ æххуысагур цыдысты сыхаг регионтæм, кæнæ Мæскуымæ. Ныр та сæм ис рады чи лæууы, ахæмтæ.
