филиал вгтрк государственная телерадиовещательная компания “Алания”

Дзæуджыхъæуы уыд аивадон киноныв «Смешанные чувства»-йы презентаци. Премьерæмæ ссыд не мзæххон актер Цæллаты Вадим. Йæхæдæг дæр хъазы ацы кинойы. Æмæ дзы сарæзта ирд комедион сурæт. Куыд загъта, афтæмæй йын æнцон æмæ æхсызгон уыди ахæм кинонывы архайын. Сæйраг рольты дзы ахъазыдысты Павел Деревянко, Александр Ревва æмæ æндæр зындгонд актертæ. Кинойы режиссертæ сты Георгий Малков æмæ Владимир Поляков. Георгий Малковы аивадуарзджытæ хъуыды кæнынц кинотæ «Мамы», «Карлсон» æмæ æндæртæм гæсгæ. Ацы комеди та систа иу мæймæ. Презентацийы агъоммæ радзырдта съемкæты тыххæй. Премьерæмæ æрбацыдысты нæ республикæйы культурæйы архайджытæ, дзыллон информацийы фæрæзты минæвæрттæ.