Бакуыста йыл цæгатирыстойнаг компани «Тэсла». Ногдзинад фадат ратдзæн электрон тых къаддæр хардз кæнынæн. Фæлæ йæ рухс та уыдзæн ирддæр. Уымæй уæлдай нырыккон техникæ
Ног технологитæм гæсгæ рухсытæ электрон тых фæстауæрц кæндзысты 10 хатты. Рухс та кæндзысты ирддæрæй. Ногдзинадæн презентаци уыди микрорайон «Вишневый сад»-ы.
Ацы микрорайоны уал ног системæйы рухсытæй æвæрд æрцыди 4. Сты тесты хуызы. Ног системæ «Pandora LED» чи æрхъуыды кодта, уыдон ам фенын кæндзысты, сæ аппаратурæ цас ахадгæ у, æмæ цас фæкусдзæн, уый. Элæктрон тых æмæ æхца куыд фæстуарц кæндзæн, уый сбæрæг кæндзысты практикон æгъдауæй. Уынгты рухс хауы «Вишневый сад»-ы цæрджыты иумæйаг коммуналон хæрдзтæм.
Нырыккон рухсытæ хонын «зондджын» æмæ хуымæтæджы нæ. Ис сæ ахадгæ, фæлæ аслам электрон æрмæг. Уый фæрцы зæгъæн ис, æмæ рухсгæнæн æнкъары рæстæг. Glonass æмæ GPSы координаттæм гæсгæ рухсгæнæнтæ базонынц сæ географион бынат. Суткæйы рæстæгмæ гæсгæ, хурныгуылды автоматикон æгъдауæй сæхæдæг ссудзынц, æмæ хурыскасты ахуыссынц. Рухсытæ дзæгъæлы æппындæр нæ судзынц. Æмæ афтæмæй фæстауæрц кæны электрон тых.
Салхъазанты Сослан, компани «Тесла»-йы генералон директор: «Горæты ацы лæггæдты фиддонтæ фæуыдзысты сæдæгай милуантæ къаддæр. Традицион 25 рухсгæнæны куы райсæм, æмæ сæ нырыкконтимæ куы абарæм, уæд ногтæ афæдзмæ æрмæст электрон тыхæй фæстауæрц кæндзысты сæдæ дыууын мин сомы. Лæггæдды фиддонты цас къаддæр уыдзысты, уый кой нал кæнæм. Уый уыдзæн тынг зынгæ æмæ ахадгæ».
Ног фæлтæры рухсгæнæнтæ уадзынц Калугæйы. Нырыккон инновацион куыстуат йæ размæ вæры энерги фæстауæрц кæнæн продукци уадзыны хæс. Уыимæ æрмæст уæрæсейы кæй æрхъуыды бакуыстытæй. Рухсыты куысты æмгъуыд у 50 мин сахаты, уый у 10 азмæ хæстæг. Традицион рухсгæнæнтæм тынг куы стæвд вæййынц, уæд арæх басудзынц, ацы аиппытæ ннырыккон системæйы не сты. Системæ «Pandora LED»-ы рухсгæнæнтæ лæггад кæнынц Мæскуыйы бынмæ æмæ Калугæйы федералон фæндæгтæн, стæй Уæрæсейы егъаудæр куыстуæттæй иу – нефты куыстгæнæн заводæн.
Нырыккон технологиты презентацийы ног системæмæ се ргом раздæхтой не мзæххон специалисттæ. Уый та ууыл дзурæг у, æмæ гæнæн ис, Цæгат Ирыстоны уынгты дæр фæзындзысты ахæм рухсгæнæнтæ.