филиал вгтрк государственная телерадиовещательная компания “Алания”

Фæндаг кæнынц уæрæхдæр, æмæ дзы машинæтæн Дзусы-фырты уынгмæ цæуæн нæма и. Морских пехотинцев уынджы дæр сараздзысты, Мæскуыйаг уынджы онг дыууæрдæм цæуæн кæм уыдзæн, ахæм фæндаг. Йæ астæу та уыдзæн газон. Азæй-азмæ машинæты нымæц рæзы, уымæ гæсгæ горæты администрацимæ фæндаг фæуæрæхдæр кæныны хъуыды раджы фæзынд. Весеннийы уынджы машинæтæ сæмбырд вæййынц, хатгай дзы ацæуæн дæр нал вæййы. Цалцæггæнæн куыстытæ куы фæуой, уæд шофыртæ зындзинæдтæ нал æвзардзысты. Фæндаг æххæстæй байгом кæнынмæ хъавынц горæты бонмæ. Уымæй уæлдай ма ацы аз сæ зæрды бындуронæй сцалцæг кæнын и Дзæуджыхъæуы 20 уынджы. Мартъийы кæронмæ уал саив кæнынмæ хъавынц Марковы уынг.