Уыцы ахадгæ культурон мадзалмæ куыд цæттæ кæнынц, ууыл дзырдтой республикæйы разамонæджы хæстæ рæстæгмæ æххæстгæнæг Сергей Меняйло æмæ культурæйы министры хæстæ рæстæгмæ æххæстгæнæг Къубалты Эльбрус
5-æм майы Дзæджыхъæу суыдзæнис Мæскуыйы куадзæны 20-æм фестивалы фысым. Уыцы ахадгæ культурон мадзалмæ куыд цæттæ кæнынц, ууыл дзырдтой республикæйы разамонæджы хæстæ рæстæгмæ æххæстгæнæг Сергей Меняйло æмæ культурæйы министры хæстæ рæстæгмæ æххæстгæнæг Къубалты Эльбрус. Куыд загъд уыдис, афтæмæй хъуамæ республикæ баххуыс кæна Мариинаг театры къорд æмæ йæ аивадон разамонæг Гергиты Валерийæн, цæмæй уыцы цау бæрзонд æмвæзадыл ацæуа, уый тыххæй. Культурæйы министрадæн уый тыххæй радтой цалдæр хæслæвæрды. Дыууæ разамонæджы дзырдтой Уæлахизы бонмæ цæттæдзинадыл, бæлвырддæр та акци «бакæс сæ цæсгæмттæм»-ы тыххæй. Къубалты Эльбрус куыд загъта, афтæмæй уыцы мадзал æххæст кæнгæйæ, Фыдыбæстæйы Стыр хæсты ветеранты портретæн саив кæндзысты Цæгат Ирыстоны хъæуты æмæ горæтты уынгтæ.
