Дзырдтой дзы, нæ республикæйы педагог æмæ амонæджы афæдз куыд ацæудзæнис, ууыл
Дзæджыхъæуы, Тугъанаты Ларисæйы разамындæй ацыдис сæрмагонд æмбырд. Дзырдтой дзы, нæ республикæйы педагог æмæ амонæджы афæдз куыд ацæудзæнис, ууыл. Вице-премьер бæрнон адæймæгтæй бадомдта, цæмæй лæмбынæг æххæст кæной, раздæр кæй сфидар кодтой, уыцы пъланы домæнтæ. Ис дзы 70 алыхуызон мадзалы. Куыд фæбæрæг кодтой, афтæмæй Дзæджыхъæуы æмæ республикæйы районты уынгты æрæвæрдзысты баннертæ Ирыстоны зындгонд ахуыргæнджыты æмæ амонджыты къамтимæ. Дзыллон хабархæссæг фæрæзтæ бацæттæ кæндзысты алыхуызон равдыстытæ, æмæ уым дзурдзысты ахуыргæнджыты бинонты династиты, стæй æрыгон педагогты тыххæй. Вице-премьер паддзахадон исбонады министрадæн бабар кодта, цæмæй æркæса, Дзæджыхъæуы ахуыргæнджыты номыл сквер саразыны фарстамæ. Мунициалон скондты разамонджытæн загъд уыдис, цæмæй ног микрорайонты уынгтæн радтой ахыргæнджыты нæмттæ. Зындгонд педагоготы нæмттæ ратдзысты республикæйы цалдæр скъолайæн дæр.
