Боныгон уыдзæни сывæллæттæн ирхæфсæн фæз, изæрыгон та республикæйы цæрджытæ æмæ уазджытæн фæлладуадзæн бынат
Дзæуджыхъæу астæу байгом алыхуызон цырæгътимæ музыкалон фонтан. Боныгон уыдзæни сывæллæттæн ирхæфсæн фæз, изæрыгон та республикæйы цæрджытæ æмæ уазджытæн фæлладуадзæн бынат. Дон алы хуызтæй æрттивы æмæ музыкæйы зæлтæм цалдæр метры хæрдмæ ссæуы. Сæрибары фæз афтæ саив кæнын къухы бафтыди республикæйы Сæргълæууæг Битарты Вячеслав, меценат Гуыриаты Владимиры, горæты разамынд æмæ архитекторты æмархайдæй. Сабырдзинады проспект у Дзæуджыхъæуы историон культурон центр, Цæгат Ирыстоны рæсугъддæр бынæттæй иу. Бындурон рацарæзт дзы цæуы 2-аг аз. Сæмбырдуæвджытæн регионы сæргълæууæг зæрдæ бавæрдта, куыстыты фæстæ, проспект куыд фæзæгъынц, йæ хуыз скалдзæнис, уыдзæни нырыккондæр æмæ рæсугъддæр. Горæты цæрджытæ уыцы цаумæ æнхъæлмæ кæсынц зæрдиагæй.