Йæ саразыны фæз та ногæй сси республикæйы Национ музей
Дзæуджыхъæу ацыд фольклорон-этнографион бæрæгбон «Тутыртæ». Йæ саразыны фæз та ногæй сси республикæйы Национ музей. Бацæттæ йæ кодтой Цæгат Ирыстоны фæсивæды æфсæддон-патриотон хъомылады центр æмæ Дзæуджыхъæуы бынæттон администрацийы культурæйы управлени. Мадзалы архайдтой республикæйы сфæлдыстадон къордтæ, æрмдæснытæ, спортивон федерациты минæвæрттæ, стæй уæлæмхасæн ахуырады куыстуæттæ. Национ музейы кæрты равæрдтой алыхуызон хойрæгтимæ æмæ алыхуызон æрмдæсныйады предметтимæ фæз. Кæй фæндыд, уыдонæн се ппæтæн дæр сæ бон уыд ирон чъиритæ кæнынæй, бæгæны фыцынæй æмæ куырдадзы куыст кæнынæй дæсныйадæвдисæг ахуырты архайын. Уымæй уæлдай, бæрæгбоны архайджытæ сæхи фæлвæрдтой национ спортивон хуызты.
