Нæ республикæйы сæйраг горæтмæ æрбацæудзысты уазджытæ Уæрæсейы алы регионтæй æмæ фæсарæнтæй
Абон æмæ райсом Дзæуджыхъæу бæрæг кæны йæ равзæрды 240 азы. Нæ республикæйы сæйраг горæтмæ æрбацæудзысты уазджытæ Уæрæсейы алы регионтæй æмæ фæсарæнтæй. Дзæуджыхъæу суыдзæн егъау фæлладуадзæн фæзуат. Абон бæрæгбоны мадзæлттæ цæудзысты Хъесаты Колкайы уынджы. Уазджытæн бацæттæ кæндзысты ирон чъириты фестиваль, дæсныйадæвдисæг ахуыртæ, равдыстытæ æмæ национ спортивон хъæзтытæ. Хуыцаубоны мадзæлттæ сараздзысты Сæйраг парчы æмæ сабырдзинады проспекты. Уым ацæудзæн шахмæтты стыр турнир Дзæуджыхъæуы кубоккыл, гриль æмæ физонæджы фестиваль, историон бынæттыл экскурситæ æмæ афтæ дарддæр. Бæрæгбон фæуыдзæнис стыр концертæй Сæрибары фæзы, райдайдзæн 19 сахатыл.
