Ахæм бæрæггæнæнтæ йæ телеграм-каналы фехъусын кодта Сергей Меняйло
Дзæуджыхъæу хъармгæнæн сезонмæ цæттæ у 65%, республикæ та – 60%. Ахæм бæрæггæнæнтæ йæ телеграм-каналы фехъусын кодта Сергей Меняйло. Специалисттæ зилынц хъармгæнæнтæм æмæ хъармдæттæг пункттæм: аразынц гидравликон фæлварæнтæ, цæмæй рагацау раиртасой лæмæгъдæр бынæттæ, æмæ зымæджы къаддæр аваритæ уа, уый тыххæй. Бæстон кæсынц насостæм, хъармдæттæг фæрæзтæм, æгтæм æмæ электродвигательтæм. Афтæ Мæздæжы баивтой зæронд теплотрассæты 200 метры, сцалцæг кодтой 350 цъайы. Уымæ гæсгæ зымæджы хъуамæ лыггæнинаг фарстатæ ма сæвзæра. Сæрмагондæй уый тыххæй ныртæккæ цæуы бæстон цæттæгæнæн куыст. Цæмæй республикæйы алы цæрæг дæр йæхи æнкъара хорз æмæ æдыхст, – загъта республикæйы Сæргълæууæг.
