Ацы бонты нæм цæуы стыр культурон цау æмæ классикон аивад уарзджытæн бæрæгбон
Дзæуджыхъæу радон хатт равдыста, Цæгат Кавказы культурон сæйраг горæт кæй у, уый. Ацы бонты нæм цæуы стыр культурон цау æмæ классикон аивад уарзджытæн бæрæгбон. Мариинаг театр, Гергиты Валерийы разамындæй байгом кодтой 7-æм фестиваль «Мариинаг – Дзæуджыхъæу». Уæрæсейы хуссар хайы у ирддæр культурон цаутæй иу. Уыцы мгъуыдмæ Мариинаг театры филиалы фæзы сæ курдиат раргом кодтой дæсгай зындгонд музыканты. Ацы аз фестивалы программæ байгом кодта Симфонион оркестры концерт æмæ Мариинаг театры репертуары ног оперæ. Музыкалон аивадуарзджытæ байхъуыстой Александр Скрябины фыст фортепианойæн оркестримæ концертмæ, стæй Густав Малеры 4-æм симфонимæ. Уымæй дарддæр аргъ скодтой Николай Римский-Корсаковы оперæ «Царская невеста»-йæн.
