Фæззыгон-зымæгон сезоныл ныхас цыди, Хицауады сæрдары хæдивæг Фадзайты Æхсарбег разамынд кæмæн лæвæрдта, уыцы æмбырды
Дзæуджыхъæу республикæйы æппæты фыццаг райста, хъармгæнæн сезонмæ цæттæ кæй у, уый тыххæй æвдисæндар. Фæззыгон-зымæгон сезоныл ныхас цыди, Хицауады сæрдары хæдивæг Фадзайты Æхсарбег разамынд кæмæн лæвæрдта, уыцы æмбырды. Видеоконференцийы рæстæг æрныхас кодтой, хъæбæр коммуналон хауæддзæгтæ кусынæн республикæйы бюджетæй субсидитæ дихгонд кæй æрцыди, ууыл.
Бæрнон кусджытæ се ргом аздæхтой бирæфатерон хæдзæртты бындурон цалцæгмæ дæр. Куыд фæнысан кодтой, афтæмæй ацы къабазы фиддонты уавæр зынгæ фæхуыздæр. Ныртæккæ фыст æрцыди 23 бирæуæладзыгон хæдзары сцæлцæг кæныны тыххæй бадзырдтæ. Уыцы куыстытыл хардзгонд æрцæудзæн 127 милуан сомы.
