цы аз аивадон форум баст у нырыккон аивады интеграциимæ Цæгат Кавказы хæххон территориты музейтимæ
Дзæуджыхъæу суазæг кæндзæн 16-æм æппæтадæмон фестиваль «Аланикæ»-йы архайджыты. Ацы аз аивадон форум баст у нырыккон аивады интеграциимæ Цæгат Кавказы хæххон территориты музейтимæ. Фестивалы программæ æххæст кæнгæйæ, арæзт цæудзысты йæ архайджытимæ æрмадзты фембæлдтытæ. Уыдон та сты: нырыккон нывгæнджытæ, куратортæ æмæ музейты минæврттæ. Финалы уыдзæн 8 уæрæсейаг нывгæнæджы. Апрелы мастертæ райдадйдзысты сæ проекттæ царды уадзын. Зæгъдзыстæм ма уый дæр, æмæ ацы аз «Аланикæ» апарахат уыдзæн æндæр регионты дæр, ома ахиздзæн нæ республикæйы арæнтæй. Куысты фæтк дæр уыдзæн инновацион. Мультиарт-резиденцитæ баиу кæндзысты алыхуызон географион бынæтты.
