26 июня 2024, 11:47
Дзæуджыхъæуккаг «Аланочка» сси æххæст чемпион Æппæтуæрæсеон ерысты волейболæй
Арæзт æрцыдысты Краснодары крайы Лазаревскийы. Турниры архайдтой нæ бæстæйы сывæллæтты æмæ фæсивæды 9 хуыздæр командæйы. Финалмæ цæугæйæ не спортсменкæтæ рамбылдтой æппæт матчты дæр. Сæ тренер-ахуыргæнæг Козаты Фатимæ куыд загъта, афтæмæй ахæм æнтыстдзинæдтæ сæ къухы бафтыдысты, фæстаг 6 мæйы æнæрлæугæ тренировкæтæ кæй кодтой, уый фæрцы. Ирыстойнаг спортсменкæтæ равдыстой хорз бæрæггæнæнтæ æмæ спортивон цæттæдзинад. Тырныдтой уæлахизмæ. Турниры дыккаг бынат бацахстой Новороссийскы минæвæрттæ. Æртыккаг та сси Саратовы командæ.
