Интернеты æдасдзинады бындурты тыххæй хистæркъласонтæн радзырдтой Цæгат Ирыстоны нымæцон рæзты Комитеты специалисттæ
Дзæуджыхъæуккаг гимназ «Диалог»-ы ахуырдзаутæн фадат фæци аразгæ интеллекты виртуалон дуне банкъарынæн. Интернеты æдасдзинады бындурты тыххæй хистæркъласонтæн радзырдтой Цæгат Ирыстоны нымæцон рæзты Комитеты специалисттæ. Иу урокмæ лæппутæ æмæ чызджытæ базыдтой, æппæтдунеон хызы хи куыд дарын хъæуы, уый. Ахæм уроктæ арæзт цæуынц, национ проект «Нымæцон экономикæ» æххæст кæнгæйæ. Проектæн ис стыр ахадындзинад нырыккон царды. Фидараты Маринæ радзурдзæн бæстондæр информацион технологиты урокы тыххæй.
Урокмæ дзæнгæрæг азæлыд, æмæ 9-æмкъалсонты аудиторийы бæстæ ныссабыр. Сæ темæ – «Исследование кибератак и масштаба наносимого ими ущерба отдельным пользователям, компаниям и целым странам». Ацы урок арæзт æрцыд, æппæтуæрæсеон ахуырадон акци «Нымæцон урок» æххæст кæнгæйæ. Проекты сæйраг нысан у – скъоладзаутæн нымæцон экономикæйы бындуртæ бацамонын, стæй сæм профессионалон ориентаци гуырын кæнын информацион технологиты къабазы.
Компьютерон зонындзинæдтæ фæстаг рæстæг тынг ахсджиаг сты. Уымæн æмæ рæзынц информацион технологитæ. Кæд иуæй размæ цæуæм, уæд иннæмæй та, зæгъын хъæуы уый, æмæ бирæтæн сæ бон нæу сæхи бæрæггæнæнтæ электрон хуызы бахъахъхъæнын. Куыд бакæнæн ис уыцы куыст растдæр, уый тыххæй рæзгæ фæлтæрæн радзырдтой профессионалтæ.
Теорийæ – практикæмæ. Ахуырдзаутæ æнцонтæй аразынц программæтæ, уæлæмхасæн электрон æфтуантæ, æмæ сæхи бафæлварынц информацион æдасдзинады специалистты хуызы. Вазыгджын технологитæ дæр сæм зындзинæдтæ не взæрын кæнынц. Булацаты Давид ныридæгæн йæ фидæны дæсныйад равзæрста. Нысан кæны программист суæвын. Æрыгон лæппу куыд зæгъы, афтæмæй нымæцон трансформаци сси нырыккон дунейы хуыздæр хъуыддæгтæй иу. Фæлæ æнæ бафиппайгæ нæй, кибер æхсæнад кæй хонынц, уым арæх фыдгæнджытæ дæр æнтыстджынæй кæй архайынц, уый.
Æппæт фæрстытæн дзуæппытæ ратгæйæ, системæйæ хъæуы рацæуын. Гимназ «Диалог»-ы ахуырдзаутæ киберæдасдзинады зонындзинæдтæ райстой цас æмбæлы, уыйбæрц. Ныр сæм æнхъæлмæ кæсынц сертификаттæ. Педагогтæ куыд зæгъынц, афтæмæй кæстæртæ зæрдиагæй бацархайдтой ахуырадон процессы.
