Ахуырадон модулы хатдзæгтæм гæсгæ ахуырдзаутæ бахъахъхъæдтой 150 хицæн æмæ командон куыстæй фылдæр
Дзæуджыхъæуккаг Кванториумы арæзт æрцыд проекттæ хъахъхъæныны мадзал. Ахуырадон модулы хатдзæгтæм гæсгæ ахуырдзаутæ бахъахъхъæдтой 150 хицæн æмæ командон куыстæй фылдæр. Уыдоны хсæн сты – мониторæн сæрмагонд рухсгæнæн, роботтæ-ирвæзынгæнджытæ, горæты историйы тыххæй сайт æмæ æндæр цымыдисаг проектты тыххæй Кванториумы архайджытæ радзырдтой онлайн-хуызы. Уæвгæ дистанцион хуызы проекттæ хъахъхъæныны куыст фыццаг хатт арæзт не рцыд. Фæлæ ацы модулы хъомылгæнинæгтæ сæхæдæг æххуыс кодтой сæ педагогтæн. Технопарчы кусджыты æмæ ахуырдзауты иумæйаг куысты сервер арæзт æрцыд платформæ Discord-ы. Уый тынг парахат у геймерты æмæ скъоладзауты хсæн. Зæгъæм, кванториумы архайæг Хуыгаты Оледжы проект дисы бафтыдта бирæты. Серверы ис ахуырадон æмæ ирхæфсæн каналтæ, æппæт квантумтæн æмæ къордтæн кабинеттæ, уымæй дарддæр аудиоуæттæ сæрмагондæй кусджытæн æмæ ма суанг виртуалон буфет. 14-æм февралæй фæстæмæ «Кванториумы» райдайдзæн ног ахуырадон модуль. Ахуырмæ хонынц 5-11 кълæсты скъоладзауты. Зæгъдзæстæм ма уый дæр, æмæ ахуыр цæуы лæвар, æрмæст хъæуы кванториумы официалон сайт kvantorium15.ru.-мæ курдиат бадæттын.
