Сæйраг нысан – кæрæдзийы æфсæддон-патриотон хъомылады фæлтæрддзинадимæ зонгæ кæнын
Дзæуджыхъæумæ ссыди æппæтуæрæсеон сывæллæтты æмæ æвзонгдзинады æхсæнадон змæлд «Юнармийы» делегаци Сочийæ. Сæйраг нысан – кæрæдзийы æфсæддон-патриотон хъомылады фæлтæрддзинадимæ зонгæ кæнын. Æвзонг æфсæддонтæ фембæлдысты Уæрæсейы хъæбатыр Валерий Куковимæ. Лæппутæ цымыдисæй байхъуыстой йæ хæстон цардвæндаджы æмæ службæйы бонты тыххæй. Фадат сын уыди фæрстытæ раттынæн дæр. Уæвгæ та ахæм мадзæлтты нысан у – фæлтæрты бастдзинад фидардæр кæнын æмæ патриотон хъомыладыл кусын. Хъæбатыртимæ фембæлдтыты фæрцы та фæсивæд хуыздæр æмæ бæлвырддæр зонгæ кæнынц, Уæрæсейы историйы азфыстмæ йе вæрæн чи бахаста, æмæ ахуыргæнæн чингуыты кæй конынц, ахæм адæмы цардвæндагимæ. Иннæ ахсджиаг хæс та у – рæзгæ фæлтæры удварны хæзнатæ рæзын кæнын. Ахæм фембæлдтыты рæстæг сывæллæттæ дзуæппытæ ссарынц сæ бирæ фæрстытæн. Сæйрагдæр – хъæбатыр уæвын æнцон у, æви нæ, уымæн.
