Уæрæсейы журналистты æмæ фысджыты Цæдисты уæнг, Хуссар Ирыстоны сгуыхт журналист йæ цардæй ахицæн 4 азы размæ
Дзæуджыхъæуы 1-æм библиотекæйы арæзт æрцыд Дыгъуызты Тенгизы мысæн изæр. Уæрæсейы журналистты æмæ фысджыты Цæдисты уæнг, Хуссар Ирыстоны сгуыхт журналист йæ цардæй ахицæн 4 азы размæ. Цыдис ыл 60 азы. Уыд 7 поэтикон æмæ публицистон чиныджы автор, ирон æвзагмæ ратæлмац кодта Шарль Перройы аргъæуттæ. Йе *мдзæвгæты кад кодта уарзон Ирыстонæн, фыста æрдзы рæсугъддзинады, уарзондзинады æмæ уды сыгъдæгдзинады тыххæй. Патриотизмы темæ йе сфæлдыстады ахста сæрмагонд бынат. Дыгъуызты Тенгиз кодта ахадгæ æхсæнадон архайд. Йæ литературон сфæлдыстады архайдта нырыккон рæстæджы æппæт цаутыл афæлгæсыныл. Куыд журналист, афтæ уыд Хуссар Ирыстоны, Абхазы æмæ Приднестровьейы хæстон цауты.
