13 января 2023, 11:08
Дзæуджыхъæуы 11 сахатæй – 14 сахаты онг трамвайты цыд бауромдзысты
Уый баст у, пъланмæ гæсгæ цы цалцæггæнæн куыстытæ цæудзысты, уыдонимæ
Дзæуджыхъæуы администрацийы пресс-службæйæ куыд фехъусын кодтой, афтæмæй абон 11 сахатæй – 14 сахаты онг трамвайты цыд бауромдзысты. Уый баст у, пъланмæ гæсгæ цы цалцæггæнæн куыстытæ цæудзысты, уыдонимæ. Бæрнон кусджытæ сидынц горæты цæрджытæм, цæмæй бабыхсой рæстгæмæ зындзинæдтæн. Маркусы уынджы, Кировы уынгæй Куйбышевы уынгмæ рæстæгмæ байгом кæндзысты дыууæрæнхъон фæндаджы змæлд. Ахæм уынаффæ рахастой Дзæуджыхъæуы администраци æмæ мидхъуыддæгты министрады горæты управленийы иумæйаг æмбырды. Ныхас цыдис, цæмæй машинæты парковкæтæм цæстдард фæкарздæр кæной, ууыл дæр. Æмбæлгæ фæтк чи хала, уыцы шофырты транспорты фæрæзтæ æрцæудзысты эвакуацигонд.
темæмæ гæсгæ
