Архайдтой дзы горæты 12 скъолайы минæвæрттæ – хистæр кълæсты ахуырдзаутæ
Дзæуджыхъæуы 13-æм скъолайы арæзт æрцыд конкурс «Ирон дæн æз»-ы муниципалон къæпхæн. Архайдтой дзы горæты 12 скъолайы минæвæрттæ – хистæр кълæсты ахуырдзаутæ. Чызджытæ сæ зонындзинæдтæ равдыстой алыхуызон темæтæм гæсгæ. Муниципалон къæпхæны уæлахиздзау архайдзæн конкурсы республикон этапы. Хъайтмазты Дзерассæ радзурдзæн бæстондæр.
Конкурс гом кæнын бæрнон хъуыддаг, зæгъы Дзæуджыхъæуы скъола-интнернаты ахуырдзау Гасынты Аринæ. Ерыс «Ирон дæн æз»-мæ цæттæ кодта 2 къуырийы бæрц. Интернеты агуырдта æрмæджытæ йæ мыггаджы равзæрды тыххæй. Базыдта бирæ ног зонындзинæдтæ ирон адæмы æгъдæутты тыххæй.
Аринæимæ ма конкурсы архайдтой горæты 11 скъолайы минæвæрттæ – хистæр кълæсты ахуырдзаутæ. «Ирон дæн æз»-ы муниципалон къæпхæн арæзт æрцыд 13-æм скъолайы. Æмæ хуымæтæджы нæ. Ахуыргæнæндон хæссы Хетæгкаты Къостайы ном. Ам мадæлон æвзаг ахуыр кæнынмæ сæрмагонд æргом здæхт цæуы. Чызджытæ равдыстой, куыд зонынц сæ мыггаджы равзæрды истори, ирон æгъдæуттæ æмæ традицитæ, национ хойрæгтæ цæттæ кæнын, стæй сæм цавæр сфæлдыстадон курдиат ис, уый.
Чызджыты арæхстдзинадæн аргъ кодта дæсны жюри. Ахæм конкурс ма уыд лæппуты *хсæн дæр фарон декабры. Уæвгæ та, мадзал арæзт цæуы ныр цалдæр азы. Бацæттæ йæ кæны республикон æхсæнадон змæлд «Иудзинад» æмæ Дзæуджыхъæуы ахуырады управленийы организацион-методикон центр.
Муниципалон къæпхæны уæлахиздзау Дзæуджыхъæуы кад хъахъхъæндзæн конкурсы республикон этапы. Уыдзæн мæйы фæстæ.
