Уый тыххæй аппаратон æмбырды фехъусын кодта горæты æдминистрацийы сæргълæууæг Милдзыхты Вячеслав
Дзæуджыхъæуы 19 æхсæнадон территоримæ базилдзысты 1-æм сентябры онг. Уый тыххæй аппаратон æмбырды фехъусын кодта горæты æдминистрацийы сæргълæууæг Милдзыхты Вячеслав. Æрныхас кодтой горæты æндæр зонæты аивдзинадыл дæр. 3 сæдæ милуан сомы дихгонд æрцыди автопарк сног кæнынæн. Фæстаг рæстæг балхæдтой 28 трамвайы æмæ 67 автобусы, нысан ма кæнынц ноджыдæр 32 балхæнын. Районты дарддæр цæуы дондзæуæн системæйы рацарæзт. Æмбырды архайджытæ ма æрдзырдтой электрон æрмæджыты наукон-иртасæн институты бындурыл технопарк саразыныл дæр. Промышленносты æмæ инвестициты министр Мæрзойты Владимир куыд радзырдта, афтæмæй Уæрæсейы техникон цæстдарды управленийы нæ бафæндыд, нырыккон технологон парчы арæзтадæн фæрæзтæ дих кæнын, фæлæ ныридæгæн ссардтой фиддонтæ сæххæст кæнынмæ цæттæ чи у, ахæм инвестор. 12 национ проекты царды рауадзынæн дихгонд цæуы 9 милиард сомæй фылдæр. Фæрæзты 70 процентры æрвыст æрцыдысты 150 арæзтадон объектæн. Æхцайæ уал сæ сифтонг кодтой 50 %. 20 объекты ныридæгæн куыстытæ фесты кæронмæ.
