Уый тыххæй æрвылкъуырион аппаратон æмбырды фехъусын кодта цæрæнуæтты – коммуналон хæдзарады, артаджы æмæ энергетикæйы министр Хъараты Тимур
Дзæуджыхъæуы 1920 бирæфатерон хæдзарæй 628 нæ райстой хъармгæнæн сезонмæ цæттæдзинады акттæ. Уый тыххæй æрвылкъуырион аппаратон æмбырды фехъусын кодта цæрæнуæтты – коммуналон хæдзарады, артаджы æмæ энергетикæйы министр Хъараты Тимур. Республикæйы Сæргълæууæг бадомдта горæты хицауадæй фæткы хыгъд саразын æмæ уыцы бирæфатерон хæдзæрттæ фæззыгон-зымæгон рæстæгмæ цæттæ кæнын райдайын. Ноджыдæр ма иу уынаффæ Дзæуджыхъæуы администрацийæн – рагацау базилын мит æфснайæн техникон фæрæзтæм. Ныхас цыд регионы эпидемиологон уавæрыл дæр. Фæлхасадмæ цæстдарды Управленийы бæрæггæнæнтæм гæсгæ, Цæгат Ирыстоны чысыл фæфылдæр сты хæцгæ низтæ. Ахуырад æмæ наукæйы министр Алыбекты Эллæ куыд фехъусын кодта, уымæ гæсгæ ахуыргæнæндæтты фæкарздæр кæндзысты райсомы æркаст æмæ хицæн кълæсты мониторинг. Бæлвырдгонд у, нырæй фæстæмæ электрон радæн разамынд дæтдзæн Уæрæсейы транспорты министрад.
