Куыстыты хæрзхъæддзинадмæ та радон хатт æркастысты Æппæтуæрæсеон адæмон фронты активисттæ æмæ горæты администрацийы специалисттæ
Дзæуджыхъæуы 3 уынджы цалцæг кæнынц фæндæгтæ. Куыстыты хæрзхъæддзинадмæ та радон хатт æркастысты Æппæтуæрæсеон адæмон фронты активисттæ æмæ горæты администрацийы специалисттæ. Бабæрæг кодтой Къостайы проспект, Весеннийы уынг æмæ Черменыхъæумæ фæндаг. Эксперттæ куыд загътой, афтæмæй аразджытæ бахынцтой раздæры фиппаинæгтæ, æмæ сæ аиуварс кодтой. Уæдæ асфальты хæрзхъæддзинад дæр у зæрдæмæдзæугæ. Бæлвырддæр радзурдзæн Фидараты Маринæ.
Бынæттон цæрджыты хъарутæй Тургеневскийы уынджы асфальт фæзынд 40 азы размæ. Уæдæй фæстæмæ фæндаджы бындурон цалцæг нæ цыд. Уымæ гæсгæ дзы уаргæ бон ацæуæн вæййы тæссаг, уæлдайдæр та изæрыгон.
Фарон Æппæтуæрæсеон адæмон фронты активисттæ ацы уаццаг, бæстон иртæсты фæстæ, бахастой пырх фæндæгты картæмæ. Фæлæ йæ специалистты хъуыдымæ гæсгæ сцалцæг кæнын бантысдзæн 2023-æм азы. Уымæн æмæ иннæ азмæ пълан ныридæгæн у цæттæ.
Адæмон фронты минæвæрттæ ма аргъ скодтой, ныридæгæн цалцæггонд чи рцыд, уыцы фæндæгтæн. Къостайы проспекты æмæ Черменыхъæумæ фæндагыл куыстыты хæрзхъæддзинадæй баззадысты разыйæ.
Весеннийы уынджы та цалцæггæнæн куыстытæ сты сæ тæмæны. Æппæтуæрæсеон адæмон фронты активисттæ процесмæ сæ цæст дарынц æппынæдзухдæр.
Ацы аз Дзæуджыхъæуы администраци нысан кæны 40 уаццагæй фылдæр сцалцæг кæнын. Нырæй фæстæмæ сæ хъуыдытæ зæгъыны фадат ис горæты цæрджытæн дæр. Сæрмагондæй – Æппæтуæрæсеон адæмон фронты сайты. Мониторинг цæуы æнæрлæугæйæ.
![Соц Сети Соц Сети](https://alaniatv.ru/wp-content/uploads/2019/01/Alania_TG_1140x151.gif)