Æвзонг хæринаггæнджытæ архайдтой хуыздæры ном райсыныл, жюрийы уæнгтæ та сын кодтой аккаг аргъ.
Дзæуджыхъæуы 41-æм скъолайы хæрæндон иу бонмæ сси æцæг хæринаггæнджыты фæз. Арæзт дзы æрцыд «Кулинарон ерыс». Æвзонг хæринаггæнджытæ архайдтой хуыздæры ном райсыныл, жюрийы уæнгтæ та сын кодтой аккаг аргъ.
Дзæуджыхъæуы 41-æм скъолайы хорз зонынц, хиуæтты сæрыл рахæцын куыд хъæуы, уый. Импровизацигонд цæлгæнæнмæ рацыдысты се *мкъласонтæ, цæмæй фембæлой кулинарон тохы. 4 командæйы ерыс кодтой хæринаггæнæн хъуыддаджы хуыздæры ном райсыныл. Кæмæдæр ацы аивады фæлтæрддзинад ис, чидæр та хæринаг фыццаг хатт кодта.
Рæзгæ фæлтæр зæрдæргъæвдæй æххæст кодтой хæслæвæрдтæ. Хъуыди сæ тагъд æмæ иумæйагæй кусын. Цыбыр рæстæгмæ цæттæ кодтой пиццæ, насимæ тефтелитæ æмæ куадзæны хойрæгтæ. Жюрийы уæнгтæ аргъ кодтой æрмæст хæринæгты адæн нæ, фæлæ сæ бакастæн дæр.
Мадзал арæзт æрцыд Дзæуджыхъæуы администрацийы æмæ горæты хæринаггæнæн комбинаты æххуысæй. «Кулинарон ерыс» æрмæст конкурс нæу. Сæйраг хæс у сывæллæттæн пайдайаг хæринæгты тыххæй радзурын æмæ равдисын, гæнæн кæй ис, цæмæй скъолайы хæринаг уа æрмæст пайдайаг нæ, фæлæ хæрзад дæр.
Сывæллæттæн конкурс сси æцæг бæрæгбонау. Мадзал фыццаг хатт арæзт æрцыд.
Жюрийы уæнгтæн хуыздæрты равзарын æнцон нæ уыд. Æппæт командæтæ дæр сæхи хорз равдыстой. Уымæ гæсгæ фæуæлахиз хæлардзинад.
