Æрæджы дæр ма ацы технологитæ бирæтæн уыдысты æнæзонгæ
Дзæуджыхъæуы 41-æм скъолайы арæзт æрцыдысты дæсныйадæвдисæг ахуыртæ VR-технологитæй æмæ Веб-разработкæтæй. Æрæджы дæр ма ацы технологитæ бирæтæн уыдысты æнæзонгæ. Ныртæккæ та у, размæ зынгæ къахдзæфтæ чи кæны, ахæм индустрийæ. Уымæ гæсгæ дзы хъæуынц фæлтæрдджын специалисттæ. Скъоладзаутæн фадат фæци нырыккон дæсныйæдты дунемæ абалц кæнынæн. Специалисттæ сын радзырдтой нымæцон професситы ахадындзинады тыххæй. Хистæркъласонты адих кодтой къордтæм гæсгæ, æмæ сын бацæттæ кодтой тематикон хъазт “Квиз”. Уæвгæ, ахæм куыст цæуы, сæрмагонд федералон проект æххæст кæнгæйæ. Мадзал саразыныл бакуыстой Цæгат Ирыстоны профессионалон цæттæдзинады центр æмæ куыст дæттыны Комитет. Виртуалон хъæзтытæ, туртæ, квесттæ æмæ афтæ дарддæр сты нырыккон ахуырады хуызтæ, æмæ сæ æнтыстджынæй æххæст кодтой дæсныйадæвдисæг ахуырты.
