Арæзт цыди 2 азы, федералон проекты фæлгæты «Нырыккон скъолайы» паддзахадон программæ «Ахуырады рæзт» æххæстгæнгæйæ
Дзæуджыхъæуы 44-æм скъолайæн байгом ног корпус. Арæзт цыди 2 азы, федералон проекты фæлгæты «Нырыккон скъолайы» паддзахадон программæ «Ахуырады рæзт» æххæстгæнгæйæ. Ахуыр дзы кæндзысты 7-æй 11-æм кълæсты онг скъоладзаутæ. Ахæм фæткы фæрцы скъолайы нал уыдзæни фæссихоры ахуырад. Корпус байгом кæныны кадджын мадзалы архайдта республикæйы Сæргълæууæг Битарты Вячеслав.
Нырыккон бæстыхайы ис æппæт фадаттæ ахуырады системæ æмбæлгæ уагыл хæццæ кæнынæн. Уæлæдарæс ивæнтæ, актон зал, медицинон кабинеттæ, библиотекæ, стæй бирæвæрсыг спортивон зал. Уымæй уæлдай дзы ис спортивон фæзтæ, аразгæ уæлцъаримæ стадион, хи автономон хъармгæнæн. Хорз гæнæнтæ дзы ис, йе нæниздзинад цудыд кæмæн у, ахæм сывæллæттæн дæр. Хъæуы ма дзы корпусы алыварс цъæхфæлысты куыст бакæнын.
