Цæгат Кавказы федералон зылды бацахста дыккаг бынат номинаци «Горæты хуыздæр музей»-ы æмæ бацыд
Дзæуджыхъæуы 46-æм скъолайы хæстон намысы музей ногæй ис хуыздæрты хсæн. Сси Æппæтуæрæсеон конкурсы призер. Цæгат Кавказы федералон зылды бацахста дыккаг бынат номинаци «Горæты хуыздæр музей»-ы æмæ бацыд, парти «Иугонд Уæрæсе» кæй расидти, уыцы кадджын конкурсы уæлахиздзауты хыгъдмæ. Гранты æххуысæн сертификат 300 мин сомæн, скъолайы директорæн радта Парламенты депутат Фуад Кязымов. Фæрæзтæ схардз кæндзысты музейон экспозици фæхъæздыгдæр кæныныл. Ацы аз конкурс баиу кодта 2000 курдиатæй фылдæр нæ бæстæйы 82 субъектæй. Финалмæ рацыдысты 169 скъолайы музейы. Уыдонæй уæлахиздзаутæ систы 92. Дзæуджыхъæуы 46-æм скъола ахæм проектты арæх фæархайы. Ивгъуыд аз уæлахиздзаутæ систы конкурс «Солдаты Великого Отечества»-йы æмæ рамбылдтой грант 500 мин сомы. Уæд уыцы фæрæзтæй сарæзтой ног экспозици, æмæ йæ сбастой сæрмагонд æфсæддон операцийы архайджытимæ. Раздæры рауагъдонтæй бирæтæ ныртæккæ сты тохы быдыры. Конкурс арæзт цæуы партион проект «Историческая память» æххæст кæнгæйæ. «Иугонд Уæрæсе»-йы программæйы сæйрагдæр нысан у патриотон хъомыладыл кусын æмæ истори хъахъхъæнын.
