Мадзал сарæзтой скъолайы агъоммæ ахуырады куыстуæтты, Цæгат Ирыстоны Паддзахадон автоинспекцийы кусджытæ æмæ автомобилистты æппæтуæрæсеон æхсæнады минæвæрттæ
Дзæуджыхъæуы 74-æм рæвдауæндоны уыд фæндæггон æдасдзинады хъазт. Мадзал сарæзтой скъолайы агъоммæ ахуырады куыстуæтты, Цæгат Ирыстоны Паддзахадон автоинспекцийы кусджытæ æмæ автомобилистты æппæтуæрæсеон æхсæнады минæвæрттæ. Сæйраг хъайтартæ уыдысты сывæллæттæ æмæ сæ ныййарджытæ. Конкурсы уыд 6 къæпхæны. Фыццаджы – сывæллæттæ æмбырд кодтой фæндаггон нысан, ныййарджытæн та сæ хæс уыд базонын, цавæр нысан у, уый. Уый фæстæ сывæллæттæ, алы хуызты ахуырст къабаты – уыдон нысан кодтой светофор, бакастысты æмдзæвгæтæ, фæндæгтыл æдасæй цæуыны уагæвæрдтимæ баст темæйыл. Фæстаг къæпхæны сывæллæттæ ерыс кодтой, фæндаггон нысантæ цæмæн хъæуынц, уый тыххæй радзурыны конкурсы. Мадзалы рæстæг ма йæ саразджытæ скодтой профилактикон ныхас. Инспектортæ ма радон хатт æппæт архайджыты зæрдыл æрлæууын кодтой фæндаггон æдасдзинады домæнтæ.
