Ног цæрæнуæттæ самайынæн кæнæ балхæнынæн сертификаттæ райстой 30 адæймаджы
Сылгоймæгты бæрæгбоны агъоммæ Дзæуджыхъæуы администрацийы æвзонг бинонтæн скодтой социалон фиддонтæ.Ног цæрæнуæттæ самайынæн кæнæ балхæнынæн сертификаттæ райстой 30 адæймаджы. Уыдонæй 22 сты бирæсывæллонджынтæ. Кадджын уавæры æххуысхъуаг бинонтæн сертификаттæ балæвар кодтой Дзæуджыхъæуы администрацийы сæргълæууæг Милдзыхты Вячеслав æмæ арæзтады министрады минæвæрттæ. Ахæм æххуыс бакæныны фадат ис «Адæмы цæрæнуæттæй ифтонг кæныны æмæ цæрæнуæтты – коммуналон лæггæдты фиддонтимæ паддзахадон æххуыс кæныны» программæмæ гæсгæ. 2021-æм азæй фæстæмæ царды уавæртæ фæхуыздæр кæнынмæ субсидитæ райстой 98 бинонтæ. Уыцы хæстæ сæххæст кæнынмæ Дзæуджыхъæуы администраци рахай кодта 33 милуан сомæй фылдæр.
