Республикæйы æмæ горæты хицауадон оргæнты минæвæрттæ, ДОМ.РФ-ы специалисттæ æрныхас кодтой куысты хатдзæгтыл æмæ сæйрагдæр проекттыл
Дзæуджыхъæуы администрацийы уыд горæты мастер-пъланы проекты презентаци. Республикæйы æмæ горæты хицауадон оргæнты минæвæрттæ, ДОМ.РФ-ы специалисттæ æрныхас кодтой куысты хатдзæгтыл æмæ сæйрагдæр проекттыл. Нысангонд æрцæудзысты горæты райрæзты къабæзтæ 2030-æм азы онг. Проект саразыны хъуыддаджы архайдтой бынæттон цæрджытæ. Уый дæтты, фæндонты æмæ хъæппæристы хæрзхъæддзинад æмæ ахадындзинад фæбæрзонддæр кæныны фадат. Мастер-пъланыл кусы ДОМ.РФ, горæты администрацийы æмæ республикæйы Хицауады архайдæй. Проекты æвдыст цæуынц, парахат анализ æмæ бæлвырд уынаффæтæ промышленнон, логистикон, социалон-культурон æмæ туристон кластеры, цæрæнуæтты къабазы, транспортон æмæ инженерон инфраструктурæйы райрæзты фæдыл. Уæ зæрдыл уын æрлæууын кæндзыстæм, Дзæуджыхъæуы мастер-пъланыл куыст цæуы, фарон декабры республикæйы Хицауады, горæты администрацийы æмæ акционерон æхсæнад «ДОМ.РФ»-ы *хсæн цы бадзырд фидаргонд æрцыд, уымæ гæсгæ.
