27 октября 2021, 14:04
Дзæуджыхъæуы æхсæнадон транспорты шофырты та радон хатт бæрæг кодтой
Профилон ведомствæты кусджытæ шофырты куыстмæ æрхастой фиппаинæгтæ.
Дзæуджыхъæуы æхсæнадон транспорты шофырты та радон хатт бæрæг кодтой, ковиды ныхмæ мадзæлттæ æххæст кæнынц, æви нæ, уый. Профилон ведомствæты кусджытæ шофырты куыстмæ æрхастой фиппаинæгтæ. Республикæйы эпидемиологон уавæр кæд зæрдæхсаинаг у, уæддæр бирæтæ фæлхасадмæ цæстдарды управленийы домæнтæ се ппæт не ххæст кæнынц. Бæлццæттæн æмæ шофыртæн зæ зæрдыл æрлæууын кодтой, маскæтæ дарын кæй хъæуы, уый. Æрвылбоны рейдты архайы цалдæр ведомствæйы минæвæрттæ. Уый, фæлхасадмæ цæстдарды управлени, транспорты министрад, Фæндæгтыл æдасæй цæуыны паддзахадон инспекци æмæ транспортмæ цæстдарды службæ. Рейдтæ цæудзысты æнæрлæугæйæ.
темæмæ гæсгæ