Арæзт дзы цæуынц социалон объекттæ, инфраструктурæ, аив кæнынц æхсæнадон зонæтæ
Дзæуджыхъæуы æнтыстджынæй рæзы микрорайон «Ног горæт». Арæзт дзы цæуынц социалон объекттæ, инфраструктурæ, аив кæнынц æхсæнадон зонæтæ. Ис лыггæнинаг фарстатæ дæр. Уыдон иуварс кæныныл дæр куыст цæуы. Бæлвырддæр радзурдзæн Хъайтмазты Дзерассæ.
Горæт ног, лыггæнинаг фарстатæ та – зæронд. Уыдонæй æппæтæй риссагдæр – æнæзакъон бырондон. Нырма йæ афæдзы райдиан Дзæуджыхъæуы администраци æххæстæй скуынæг кодта, фæлæ та бынаты ногæй арæзтадон æмæ æрвылбон царды хауæццæгты обæуттæ. Специалисттæ хъуыддаг сраст кæнынæн алы мадзæлттæ аразынц, фæлæ ацы фарста комкоммæ аразгæ у районы цæрджытæй дæр.
Бырондон куынæг кæнынимæ уыцы иу рæстæг специалисттæ сындæггай аив кæнынц микрорайоны аллея дæр. Ацы зонæ рамбылдта 2026-æм азы аив кæнынæн æхсæнадон территори æвзарыны хъæлæс кæныны.
Горæты администраци расидт ацы территори саив кæнынæн проект саразыны конкурс. Рамбылдта йæ архитекторты къорд, йæ сæргъы Алыккаты Руслан. Проектыл ныридæгæн бакуыстой. Пъланмæ гæсгæ «Ног горæты» хъуамæ фæзына аив æмæ нырыккон парк.
Нырма уал проект гæххæттыл ис. Фæлæ микрорайоны райрæзт бынаты нæ лæууы. Ам фесты ног скъола аразыны куыстытæ. Баззад ма лыстæг хъæуыддæгтæ æмæ ахуыргæнæндон йæ дуæрттæ байгом кæндзæн. Нырыккон ифтонггæрзтæ, райдзаст кълæстæ, хæрæндон, спортивон æмæ актон залтæ. Скъолайы уыдзæн 550 бынаты.
Микрорайон аив кæнынц къæпхæнгай. Алцыдæр, цæмæй йæ цæрджытæ æнкъарой, «ног горæты» кæй цæрынц, уый.
