У фæсивæдон политикæйы дæлпрограммæйы хицæн хай
Æнтыстджын фæсивæд сты рæсугъд фидæны бындур. Дзæуджыхъæуы æрыгон адæмæн презентаци скодтой проект «Алания бизнес акселератор». У фæсивæдон политикæйы дæлпрограммæйы хицæн хай. Ацы проектмæ гæсгæ æххуыс кæнынц хи хъуыддаг байгом кæнынæн, бизнес-пълан саразынæн æмæ алыхуызон мадзæлтты архайынæн. Проекты хай суæвынæн фадат ис алкæмæн дæр, 14 азæй 35 азы онг кæуыл цæуы, уыдонæн. Ахæм фембæлдтытæ ныридæгæн арæзт æрцыдысты республикæйы æппæт районты. Афтæмæй фембæлдысты Цæгат Ирыстоны хъæппæрисджын фæсивæдимæ. Æдæппæтæй 5000 адæймагимæ. Уæ зæрдыл уын æрлæууын кæндзыстæм, программæйыл бакуыстой, республикæйы сæргълæууæг Битарты Вячеславы амындмæ гæсгæ. Фæсивæды хъуыдымæ гæсгæ та ацы проекты фæрцы хуыздæр уавæртæ арæзт цæуынц, цæмæй хи хъæппæристæ царды уадзой, уый тыххæй.
