Горæты администрацийы, патриотон æмæ ветеранты организациты минæвæрттæ, скъоладзаутæ æмæ 58-æм æфсады æфсæддонтæ дидинджытæ æмæ веноктæ сæвæрдтой десантон æфсæдты командæгæнæг, Советон Цæдисы хъæбатыр Василий Маргеловы цыртдзæвæны цур
Дзæуджыхъæуы æрымысыдысты, 20 азы размæ 776-æм бæрзæнд бахъахъхъæныны тохы чи фæмарди, уыцы десантон ротæйы службæгæнджыты рухс ном. Горæты администрацийы, патриотон æмæ ветеранты организациты минæвæрттæ, скъоладзаутæ æмæ 58-æм æфсады æфсæддонтæ дидинджытæ æмæ веноктæ сæвæрдтой десантон æфсæдты командæгæнæг, Советон Цæдисы хъæбатыр Василий Маргеловы цыртдзæвæны цур. Ротæ тох кодта Цæцæны 2-æм хæстон цауты рæстæг. 1990-æм азы 6-æм ротæ æрлæууыди цæцæйнаг æмæ араббаг фыдгæнджыты ныхмæ. 1-æм мартъийы десантниктæ æмæ фыдгæнджытыл бацайдагъ къухæй хæст. Ротæйы уыди 90 салдаты, фæмарди дзы 84. Фыдгæнджытæй та фæхъуыди 500 аджæймаджы ног. 6-æм ротæйы ном радтой Дзæуджыхъæуы 14-æм скъолайы 6 «Б» къласæн.
