филиал вгтрк государственная телерадиовещательная компания “Алания”

Дзæуджыхъæуы намысы аллеяйы æрымысыдысты Лæгдзинады æмæ Сырх Стъалыйы орденты кавалер Эдуард Тиникашвилийы ном. Уый райгуырд Дзæуджыхъæуы. 1996-æм азы нысангонд æрцыд мысанæхсæн батальоны командæгæнæгæй. Се фсæддон хæс æххæст кодтой Цæцæны республикæйы территорийы. Уыцы аз февралы майор Тиникашвилийы дæлхайадмæ æрбабырстой фыдгæнджытæ. Дыууæ суткæйы дæргъы сæхи хъахъхъæдтой æнæ авиацийы æмæ артиллерийы æххуысæй. Уыцы тохы Эдуард Тиникашвили хъæбатырæй фæмард. Офицеры мысæн бон йæ ингæны раз æрæмбырд сты æхсæнадон организациты минæвæрттæ, скъоладзаутæ æмæ æфсæддонтæ. Минут æдзæмæй алæууыны фæстæ, ингæныл сæвæрдтой дидинджытæ æмæ веноктæ.